डोळ्यांत सांजवेळी आणू नकोस पाणी
त्या दूरच्या दिव्यांना सांगू नको कहाणी
कामात गुंतलेले असतील हात दोन्ही
तेंव्हा नको म्हणू तू माझी उदास गाणी
वाटेवरी खुणेच्या शोधू नको फुले ती
ना ठेविते फुलांची माती इथे निशाणी
सौदा इथे सुखाचा पटवून चोख घ्यावा
व्यवहार सांगती हा ही माणसे शहाणी
कळणार हाय नाही दुनिया तुला-मला ही
मी पापण्यांत माझ्या ही झाकिली विराणी
मंगेश पाडगांवकर
संकलन:प्रवीण कुलकर्णी
No comments:
Post a Comment