Sunday 4 April 2010

रांडकी पुनव


रांडकी पुनव साजरी करतात हिजड्यांचे अप्रूप उत्साह
कुठल्याही सोम्यागोम्यान यावं दार ठोठावून जावं
वीर्याच भुईनळ पाजळीत आडदांड ८४ आसनं
कुल्ल्यांचे हिशोब चुकते करणारे आयुष्य फडफडतेय
खैरेबांडे पांजरपोळ डग्गा
ह्या सातानवसाच्या चुडेवाढवीस जातीने उपस्थित
-हायलेला हिजड्यांचा अफलातून बॉस
त्याने आपल्या अस्तित्वाचे टचटचीत कॉरीडॉर्स
पब्लिक केलेत....
तुम्ही तुमची वस्त्रं विसरून जा डोळे विर्घळवून पा
स्थिरजंगम जडावलेले ३६ नखरे गिलाव्याचे पालुपद
पुरुषगुढी
टाळ्या पिटून पिटून रोजाना उकळणारे खुजखुजते तांडे
ण्ड प्रक्टिसचा गंध नसलेले
वर्षातून एकदाच जगतात खुल्लमखुल्ला उरूस
देहावर डकवून बावटे अथवा झिळमिळत्या फिंदारून
आदाकारी जंगली षंढवरून
आर्त आर्त किंकाळत
खरं म्हंजे या धांदलीत चंद्रानं मावळू नये सूर्यानं उगवू नये
ही बीभत्स रात्र सतीसावित्री होऊन नाचतेय टिंगमटोल
कब्री उकलून आलेत सांगाडे
हिजड्यांचे अजनबी अग्निदिव्य पायला
आत्ता हिजडेविरहित जे जे ऑब्जेक्टव्ह प्रेक्षक
त्यांनी आपापले सामान चाचपून बघावे
धेडधाय पोटले बेवडा ठोकून वाजताहेत
क्लासिकल म्युझिक पेटताहेत गदारोळ गजलांचे
आयी दिवाली :
आयी दिवाली
तू पतंगासंग नाचे मैं किसके संग नाचू
बता जा :
तुम्ही आपापली पोरं ओळखून न्या
हिजड्यानी झगे वर केलेयत
हिजडे आभाळ झालेयत


नामदेव ढसाळ
गोलपिठा
संकलन:प्रवीण कुलकर्णी

No comments:

Post a Comment

हंस-दमयंती

हंस-दमयंती

असंही असतं!!

an alcoholic

My photo
Pune, Maharashtra, India
Hi.. I am Pravin and I am an alcoholic....